ДА ВЫТОКАЎ  БЕЛАРУСКАЙ  КУЛЬТУРЫ 

Народная культура з’яўляецца неад’емнай часткай жыцця
любога чалавека. Немагчыма паўнавартаснае існаванне як чалавека, так і
грамадства без ведаў сваіх вытокаў, асаблівасцей рэгіёна і народа.

 

 ДА ВЫТОКАЎ  БЕЛАРУСКАЙ  КУЛЬТУРЫ 

 

Народная культура з’яўляецца неад’емнай часткай жыцця любога чалавека. Немагчыма паўнавартаснае існаванне як чалавека, так і грамадства без ведаў сваіх вытокаў, асаблівасцей рэгіёна і народа.

На працягу навучальнага 2015 — 2016 года калектыў ДУА «Яслі — сад п.Акцябрскi Смалявіцкага раёна» працаваў над далучэннем выхаванцаў да культуры беларускага народа ў працэсе гульнявой, пазнавальнай і творчай дзейнасці. Выхаванцы пад кіраўніцтвам педагогаў знаёміліся з беларускім фальклорам, жывапісам, літаратурнымі творамі, дэкаратыўна-прыкладным мастацтвам, дзеці даведаліся пра герб і сцяг Беларусі, слухалi Гімн Беларусі. На беларускіх святах выхаванцы чыталі вершы, спявалі беларускія песні, выконвалі беларускія танцы.

Ва ўстанове арга- нізоўваліся сустрэчы з майстрам па лазапляценню В.В. Назаравым, з удзельнiкамі тэатральнага і танцавальнага гурткоў Дома культуры п.Акцяб- рскi.

У ліпені прайшло фальклорнае свята «Купалле”. Дзецi замацоўвалi ўяўленнi пра абрады і традыцыі, птушак і раслiны роднага краю, далучайлiся да багацця беларускай мовы. Да дзяцей прыходзілі розныя героі: Сцяпан, Мацi, Міхась, Лесавiк-Баравiк, Ясік, Купалінка (на фота). Выхаванцы выконвалi песні «Ой, рана-рана на Івана”, «Сёння свята”, «Гарні, гарні бульбу з печы”, танцы «Беларуская полька”, «Танец з кветкамi”, чыталi вершы пра родны кут. Свята адбылося пазнавальным і вельмi эмацыянальным.

 

А.В. САМОЙЛЕНКА, намеснiк загадчыка па асноўнай дзейнасцi ДУА «Яслі — сад п.Акцябрскi  Смалявіцкага раёна”.

 

Здымкі з архіва ўстановы адукацыі.