Па стану на 25 красавіка сяўба яравых зерневых і зернебабовых на Смалявіччыне завершана на 98 працэнтаў. Лідзіруюць па тэмпах сяўбы такія гаспадаркі, як РДУП “ЖодзінаАграПлемЭліта (97,1 працэнта), АССП “Першамайскі” ААТ “БелАЗ” (93,6 працэнта).

Па стану на 25 красавіка сяўба яравых зерневых і зернебабовых на Смалявіччыне завершана на 98 працэнтаў. Лідзіруюць па тэмпах сяўбы такія гаспадаркі, як РДУП “ЖодзінаАграПлемЭліта (97,1 працэнта), АССП “Першамайскі” ААТ “БелАЗ” (93,6 працэнта).

А самымі першымі ў раёне справіліся земляробы ПСУП “Азярыцкі-Агра”, якія выканалі заданне па сяўбе яравых зерневых і зернебабовых на 116 працэнтаў. Тут пасеялі 218 гектараў пшаніцы, 566 гектараў ячменю, 60 гектараў аўса, 179 гектараў зернебабовых. Акрамя гэтага, прыйшлося перасеяць 279 гектараў зерневых, што загінулі з-за неспрыяльных умоў зімоўкі. Гаспадарка, якая спецыялізуецца на вырошчванні гародніны, пасеяла ўжо і 20 гектараў морквы.

Але, як паведаміў намеснік дырэктара ПСУП “Азярыцкі-Агра” Іван Антонавіч Лойка, клопатаў яшчэ шмат. Да серады, калі газета трапіць да чытача, у ПСУП “Азярыцкі-Агра” ўжо павінны будуць сеяць капусту ўласнай расадай, сталовыя буракі, кукурузу, саджаць бульбу. На сяўбе гэтых культур таксама не павінна быць прамаруджвання. У гэтым годзе гаспадарка прыдбала новыя грэбнеўтваральнікі і саджалку айчыннай вытворчасці; спатрэбіцца і трактар, што падарыў старшыня Мінскага абласнога выканаўчага камітэта Барыс Васільевіч Батура дырэктару сельгаспрадпрыемства Ніне Вікенцьеўне Жалязновай на 8-е Сакавіка.

Тым часам, перадавы механізатар лідзіруючай гаспадаркі Уладзімір Уладзіміравіч Дрозд працягвае сяўбу сумесі аднагадовых культур. Ад пачатку веснавой сельскагаспадарчай кампаніі да нашай з ім сустрэчы ў панядзелак ранкам, ён ужо паспеў засеяць больш за 600 гектараў. І спыняцца на гэтым не збіраецца. Ёсць сіла, ёсць амаль што трыццацігадовы механізатарскі вопыт, ёсць выдатная спраўная тэхніка… “Можа, усё ж такі чаго-небудзь ды не хапае?” — пытаемся ў перадавіка.

— Хіба што, дожджыка. Просіць зямля вадзіцы, — падумаўшы, адказвае Уладзімір Уладзіміравіч.

Так заўжды было — сярод усяго мноства сялянскіх клопатаў і турбот, самым галоўным было спадзяванне на тое, што паспрыяе цяжкай працы і прырода.

Уладзімір МІХАЙЛОЎСКІ.

На здымку: У.У.Дрозд.

Фота Аляксандра ВАЛАДЗЬКО. 

Информацию читайте в номере 93 – 94  от 27.04.2011 г.