КУПИТЬ СЕЙЧАС
УЗАРАЦЬ І ЗАСЕЯЦЬ
Асенняе ўзворванне паскарае падрыхтоўку сельскіх гаспадарак да вясенняй сяўбы і гарантуе іх аператыўнае ўключэнне ў пасяўную, скарачае тэрмін яе правядзення. Апроч таго, асенняе ўзворванне — гэта адзін з важных агратэхнічных прыёмаў, які спрыяе павышэнню культуры земляробства. Пад’ём зябліва прадухіляе рост пустазелля.
Сельгаспрадпрыемствам раёна неабходна падняць зябліва на плошчы 16933 гектары. Па стану на 3 кастрычніка ўзаралі 3199 гектараў, або 19 працэнтаў ад запланаванага. Перавыканалі план у ААТ “Смалявіцкі райаграсервіс”. Земляробы прадпрыемства фактычна ўзаралі 1000 гектараў, пры плане ў 950 гектараў. У астатніх гаспадарках пад’ём зябліва ідзе марудней. У АССП “Першамайскі” ААТ “БелАЗ” паднята 360 гектараў (30 працэнтаў), у ДП “ЖодзінаАграПлемЭліта” — 686 гектараў (23 працэнты), на ПСУП “Смалявічы-Сузон” — 210 гектараў (17 працэнтаў), на ПСУП “Азярыцкі-Агра” — 410 гектараў (14 працэнтаў), на РДУП “Шыпяны-АСК” — 210 гектараў (11 працэнтаў), на ЗП “Штотц Агра-Сервіс” — 70 гектараў (8 працэнтаў), на РСУП “Пятровічы” — 89 гектараў (7 працэнтаў).
А вось сяўба азімых культур на зерне і зялёны корм ужо блізіцца да завяршэння. Па стану на 3 кастрычніка засеяны 12933 гектары, або 88 працэнтаў ад запланаванага. ААТ “Смалявіцкі райаграсервіс” і тут перавыканаў план, засеяўшы 1063 гектары пры плане ў 1045 гектараў. Выканалі план і земляробы ТАА “Верасень-Сервіс”, якія засеялі азімымі 150 гектараў. Па 96 працэнтаў плошчаў засеялі ЗП “Штотц Агра-Сервіс” і АССП “Першамайскі” (1700 і 780 гектараў адпаведна). У ДП “ЖодзінаАграПлемЭліта” засеялі 2000 гектараў (92 працэнты), у ПСУП “Азярыцкі-Агра” — таксама 2000 гектараў, або 90 працэнтаў. На РСУП “Пятровічы” — 966 гектараў (87 працэнтаў), у ААТ “Смалявіцкая бройлерная птушкафабрыка” — 2321 гектар (85 працэнтаў). На ПСУП “Смалявічы-Сузон” засеялі азімымі 843 гектары, або 58 працэнтаў.
УБОРКА АГАРОДНІНЫ
Вырошчваннем агародніны (капусты, буракоў, морквы) ў бягучым годзе займаюцца тры сельгаспрадпрыемствы. На ПСУП “Азярыцкі-Агра” пад агародніну адведзена 90 гектараў, на РСУП “Пятровічы” — 24 гектары, на ДП ЖодзінаАграПлемЭліта” — 30 гектараў. Агароднінаводы з Азярыцкай Слабады ўжо сабралі 1776 тон. Ураджайнасць, у сярэднім, склала 436 цэнтнераў з гектара. На палях у Пятровічах сабрана 326 тон агародніны пры ўраджайнасці ў 333 цэнтнеры з гектара. Жодзінцы сабралі 519 тон агародніны пры ўраджайнасці 208 цэнтнераў з гектара. У разбіўцы па культурах найвышэйшая ўраджайнасць капусты на ПСУП “Азярыцкі-Агра” — 380 цэнтнераў з гектара, у ДП “ЖодзінаАграПлемЭліта” капуста не вырошчваецца, а на РСУП “Пятровічы” пакуль што маюць толькі 43 цэнтнеры з гектара. Адзначым, што ўборка капусты толькі пачынаецца: слабадчане ўбралі 1 гектар з сарака пасеяных, а пятровічане — 0,7 гектара з дзесяці. Буракі у Азярыцкай Слабадзе таксама ўрадзілі: іх накапалі 1077 тон з 24 гектараў, а ўбраць засталося яшчэ 6 гектараў. У Пятровічах накапалі 311 тон з 8,2 гектара, а ўбраць засталося яшчэ 1,8 гектара. У Жодзіне накапалі 386 тон буракоў з 14 гектараў, і яшчэ адзін гектар трэба ўбіраць. Ураджайнасць морквы ў ПСУП “Азярыцкі-Агра” — 305 цэнтнераў з гектара, у РСУП “Пятровічы” — 133 цэнтнеры з гектара, у ДП “ЖодзінаАграПлемЭліта” — 116 цэнтнераў з гектара.
Бульба найлепш урадзіла на палях ДП “ЖодзінаАграПлемЭліта” і ПСУП “Азярыцкі-Агра”. Ураджайнасць гэтай культуры тут склала 313 і 308 цэнтнераў з гектара адпаведна. Усяго ж сельгаспрадпрыемствы раёна ўжо накапалі 9377 тон “другога хлеба” пры ўраджайнасці 271 цэнтнер з гектара. Убрана ўжо 346 гектараў, што адпавядае 79 працэнтам ад агульнай плошчы пад гэтай культурай.
Уладзімір МІХАЙЛОЎСКІ.
Информацию читайте в номере 230 – 231 от 5.10.2011 г.
