ПЛЁНУ ВАМ У ПРАЦЫ


                           
     ПЛЁНУ ВАМ У ПРАЦЫ

     Жніво – цудоўнае свята. Свята, якое прыйшло да нас ад дзядоў і бацькоў. Вялікую працавітасць, талент, сілу сваіх рук аддае чалавек роднай зямлі, бо яна для яго спакон вякоў маці-карміцелька. І калі надыходзіць час, зямля шчодра адорвае вынікамі яго працу.

 

    

ПЛЁНУ ВАМ У ПРАЦЫ

ПЛЁНУ ВАМ У ПРАЦЫ

    Жніво – цудоўнае свята. Свята, якое прыйшло да нас ад дзядоў і бацькоў. Вялікую працавітасць, талент, сілу сваіх рук аддае чалавек роднай зямлі, бо яна для яго спакон вякоў маці-карміцелька. І калі надыходзіць час, зямля шчодра адорвае вынікамі яго працу.                                                                                                                                                                      

    Стала ўжо добрай традыцыяй у нашым раёне спраўляць “Зажынкі” па чарзе ў кожным сельгаспрадпрыемстве. У гэтым годзе свята першага снапа адбылося ў ААТ “Смалявіцкая бройлерная птушкафабрыка”.                                                                

    Дзейства адбывалася на палявым стане ля вёскі Палявая. Урачыстая музыка. Экіпажы камбайнаў пастроены ў лінейку. Усхваляваныя камбайнеры ля сваіх камбайнаў. Запрошаныя госці. Артысты.                                                                                

    Як здаўна на Беларусі вядзецца, першы сноп быў зажаты сярпамі жанчынамі-жнейкамі,  пасля чаго ўручаны старшыні Смалявіцкага райвыканкама Міхаілу Гаўрылавічу Загорцаву. Яму ж было прадастаўлена пачэснае права адкрыць раённае свята “Зажынкі-2012”.                                                                                                                                                                    

    — Хлебаробы раёна вырасцілі добры ўраджай зерневых і зернебабовых культур. І зараз лёс ураджаю будуць вырашаць камбайнеры, вадзіцелі, машыністы сушыльных агрэгатаў. Вельмі важна працаваць зладжана, падстаўляючы плячо адзін аднаму. Я ўпэўнены, што высокі прафесіяналізм і адказнасць за сваю працу кожнага з нас дапамогуць убраць вырашчаны ўраджай без страт, — адзначыў Міхаіл Гаўрылавіч.                                                                                                                      

    Сваю прамову старшыня райвыканкама скончыў словамі: “Жніво-2012  аб’яўляю адкрытым”.                                                    

    Ганаровае права ўзняць дзяржаўны сцяг Рэспублікі Беларусь было прадастаўлена пераможцам жніва мінулага года – старшаму камбайнеру РДУП “ЖодзінаАграПлемЭліта” Васілю Фёдаравічу Лойку і вадзіцелю ААТ   “Смалявіцкі райаграсервіс” Уладзіміру Міхайлавічу Ходасу.                                                                                                                                                  

    З прывітальнымі словамі да ўдзельнікаў свята звярнуўся генеральны дырэктар ААТ “Смалявіцкая бройлерная птушкафабрыка” Сяргей Генадзьевіч Рамчанка. Свае пажаданні ўдзельнікам жніва выказаў Васіль Фёдаравіч Лойка.                  

    Караваі, спечаныя з ураджаю мінулага года, былі ўручаны кіраўнікам раёна і гаспадарак.                                                        

    Па традыцыі на добрую справу, добрае надвор’е і жніво працаўнікоў і хлебныя палеткі благаславіў настаяцель прыходу храма Ражства Святой Багародзіцы пратаірэй айцец Міхаіл.                                                                                                          

    І вось той момант, калі па хлебнай ніве паплылі магутныя машыны, і зерне золатам пасыпалася ў працавітыя рукі хлебаробаў. Жніво-2012 пачалося. У добры шлях, удзельнікі жніва! Плёну вам у працы!

М.МЕРКУЛЬ.

НА ЗДЫМКАХ: “Зажынкі-2012” у Смалявіцкім раёне.

Фота Аляксандра ВАЛАДЗЬКО.

Информацию читайте в номере 169-172  от 28.07.2012 г.