У складзе дэлегацыі Мінскай вобласці, якая прымала ўдзел у Дажынках у горадзе Ліда ў мінулыя выхадныя дні, у ліку пераможцаў рэспубліканскага спаборніцтва за дасягненне высокіх паказчыкаў на ўборцы збожжавых і зернебабовых культур, нарыхтоўцы кармоў, знаходзіліся і прадстаўнікі нашага раёна, пераможцы рэспубліканскага спаборніцтва на ўборцы ўраджаю зерневых і зернебабовых культур у 2010 годзе Дзмітрый Уладзіміравіч БОНДАРАЎ, старшы камбайнер рэспубліканскага дачэрняга ўнітарнага прадпрыемства па племянной справе “Зарэчча”, які заняў першае месца сярод старшых камбайнераў маладзёжных экіпажаў, і Максім Генадзьевіч ЗАПРУЦКІ, старшы камбайнер замежнага прыватнага ўнітарнага сельскагаспадарчага прадпрыемства “Штотц Агра-Сервіс”, які заняў другое месца сярод старшых камбайнераў маладзёжных экіпажаў.
Гэта высокі гонар – быць у кагорце правафланговых. А дасягнуты ён дзякуючы высокапрадукцыйнай працы, сапраўднаму прафесійнаму майстэрству, любві да сваёй хлебаробскай справы.
Шчыра віншуем нашых землякоў з высокімі дасягненнямі і жадаем новых поспехаў у працы і жыцці.
КАР. “КС”.
На здымку: механізатары Д.У.Бондараў і М.Г.Запруцкі.
Фота Леаніда ЗАГОРСКАГА.
