“Ад імя аднавяскоўцаў, жыхароў вёскі Куркава, шчыра віншую загадчыцу мясцовай сельскай бібліятэкі Людмілу Віктараўну Кізіна з жаночым святам — Днём 8 Сакавіка. Сумленная, руплівая жанчына працуе на гэтай пасадзе не адно дзесяцігоддзе. Бібліятэка з’яўляецца сапраўдным культурным цэнтрам нашай вёскі, куды з задавальненнем заходзяць і старыя жыхары, і маладыя, і дзеткі. А як жа не зайсці, калі заўсёды ў бібліятэцы ўтульнасць і чысціня, калі абавязкова знойдзе гаспадыня ўсю неабходную літаратуру, выслухае, нешта параіць, падкажа… А таксама, не лічыць за цяжкасць Людміла Віктараўна прынесці старому чалавеку неабходныя кнігі ці газеты нават дадому.
Акрамя добрасумленнага выканання прафесійных абавязкаў, Людмілу Віктараўну вылучае яшчэ і актыўная жыццёвая пазіцыя. Менавіта яна ўзяла на сябе клопат па арганізацыі кааператыву па правядзенню ў вёсцы Куркава прыроднага газу. І цяпер ужо два гады вяскоўцы маюць у сваіх дамах такую зручнасць.
Вялікі дзякуй вам, Людміла Віктараўна, за добрую працу, за найлепшыя якасці вашай душы! Здароўя вам, дабрабыту вашай сям’і, далейшых поспехаў у працы!”
Рыгор Фаміч БАЦЯНОЎСКІ, ветэран Вялікай Айчыннай вайны, жыхар вёскі Куркава.
